बिहिबार बसेको मन्त्रिपरिषद बैठकका निर्णयहरू यस्ता छन्


न्यायपरिषदका सचिव नकुल सुवेदी सर्वोच्च अदालतको मुख्य रजिष्ट्रारमा बढुवा भएका छन्।

बिहिबार बिहान बसेको मन्त्रिपरिषद बैठकले न्यायपरिषदका सचिव सुवेदीलाई सर्वोच्च अदालतको मुख्य रजिष्ट्रारमा बढुवा गर्ने निर्णय गरेको हो । बैठकले नेपाल र अष्ट्रेलिया सरकारबीच दुई पक्षीय परामर्श संयन्त्र स्थापना गर्ने समझदारी पत्रमा हस्ताक्षर गर्ने अख्तियारी परराष्ट्र सचिव शंकरदास बैरागीलाई दिने निर्णय पनि गरेको छ।

नेपाल र अष्ट्रेलिया सरकारबीच द्धिपक्षीय परामर्श संयन्त्र स्थापना गर्ने समझदारी पत्रमा हस्ताक्षर गर्ने अख्तियारी परराष्ट्र सचिव वैरागीलाई दिइएको सरकारका प्रवक्ता एवम् अर्थमन्त्री ज्ञानेन्द्रबहादुर कार्कीले जानकारी दिए।

सरकारले चीन सरकारसँग उद्योग दर्ता र बजारीकरणसम्बन्धि समझदारी गर्ने अख्तियारी उद्योग सचिव शंकरप्रसाद कोइरालालाई दिएको छ । नेपालको उत्पादनलाई चीनको बजारमा सहज पहुँच पुर्‍याउने गरी नेपाल र चीनबीच उद्योग दर्ता र बजारीकरणसम्बन्धि समझदारी गर्न लागिएको हो । समझदारीमा चीनले नेपालको उद्योग क्षेत्रको विकासमा आवश्यक लगानी र प्रविधि भित्रयाउने प्रतिवद्धता पनि व्यक्त गरिएको उद्योग मन्त्रालयले जनाएको छ।

Share:

© 2017 Setopati Sanchar Pvt. Ltd.