राष्ट्रिय स्वतन्त्र पार्टी (रास्वपा) का उपसभापति डा स्वर्णिम वाग्लेले भदौ २३ गतेको नरसंहारका लागि जिम्मेवार एमाले–कांग्रेस सरकार र तिनै दुई दलको बर्चस्व रहेको पछिल्लो संसदको वैधता पूर्णत सकिएकोले त्यसको पुनर्स्थापना नहुने बताएका छन्।
मंगलबार सामाजिक सञ्जाल फेसबुकमा स्ट्याटस राख्दै उपसभापति वाग्लेले फागुन २१ को आम निर्वाचनबाट चुनिने ताजा जनादेश प्राप्त संसद्ले अर्को पाँच वर्षका लागि स्थिर संघीय सरकार बनाउने दाबी गरेका छन्। त्यसको नेतृत्व राष्ट्रिय स्वतन्त्र पार्टीले गर्ने पनि उनको दाबी छ।
‘भदौ २३ गतेको नरसंहारका लागि जिम्मेवार एमाले–कांग्रेस सरकार र तिनै दुई दलको बर्चस्व रहेको पछिल्लो संसदको वैधता पूर्णत सकिएकोले त्यसको पुनर्स्थापना हुँदैन। फागुन २१ को आम निर्वाचनबाट चुनिने ताजा जनादेश प्राप्त संसद्ले अर्को पाँच वर्षका लागि स्थिर संघीय सरकार बनाउनेछ। त्यसको नेतृत्व राष्ट्रिय स्वतन्त्र पार्टीले गर्नेछ,’ उनको भनाइ छ।
-1746009348.jpg)
