नेकपा एमालेको जारी मतगणनामा अहिलेसम्म आधा मत गन्न सकिएको छ।
आधा मत गनिसक्दा पनि गोकुल बास्कोटा सचिव पदको दौडमा ९ जनाभित्र पर्न सकेका छैनन्। उनी मत गणना सुरू भएदेखि निरन्तर दसौं स्थानमा छन्।
नौ जना सचिव पदका लागि २० जनाले उम्मेदवारी दिएकामा दसौं स्थानमा रहेका बास्कोटाले ५२८ मत ल्याएका छन्। उनीभन्दा ठ्याक्कै अगाडि नवौं स्थानमा रहेका भानुभक्त ढकालले ५५२ मत ल्याएका छन्।
जारी महाधिवेशनमा केपी ओली र ईश्वर पोखरेलले समूह नै बनाएर उम्मेदवारी दिएका थिए।
मतगणनाको प्रारम्भिक नतिजाअनुसार ९ जना सचिव पदको दौडमा महेश बस्नेत, पद्मा अर्याल, छविलाल विश्वकर्मा, शेरधन राई, खगराज अधिकारी, हिक्मतकुमार कार्की, यामलाल कँडेल, राजन भट्टराई र भानुभक्त ढकाल छन्।
महेशले ७८३, पद्माले ७७८, छविलालले ७६९, शेरधनले ७६७, खगराजले ६८०, हिक्मतले ६७२, यामलालले ६२६, राजनले ५८१ र भानुभक्तले ५५२ पाएका छन्।
-1746009348.jpg)
