नेकपा एमालेका महाधिवेशन प्रतिनिधिहरूलाई टोकन बाँडिएको छ।
११ औं महाधिवेशनअन्तर्गत आज काठमाडौंको भृकुटीमण्डपमा सवा ९ बजेदेखि मतदान भइरहेको छ।
अपराह्न साढे ४ बजेसम्म ७२० जनाले मतदान गरिसकेको पार्टीको निर्वाचन आयोगले जनाएको छ।
एमाले महाधिवेशनमा २२ सय ६२ जना प्रतिनिधि छन्।
मतदानका लागि एक पटकमा ५० जनालाई पठाउने गरिएको छ।
मतदानका लागि लाइनमा धेरै महाधिवेशन प्रतिनिधिहरू लामो समयसम्म उभिनुपर्ने भएकोले व्यवस्थापन गर्न टोकन बाँडिएको हो।
एक जना महाधिवेशन प्रतिनिधिले मतदान गर्न कम्तीमा २५ देखि ४० मिनेटसम्म लाग्छ।
लाइनमा बसेका र नबसेका महाधिवेशन प्रतिनिधिलाई पनि टोकन बाँडिएको र त्यही टोकनका आधारमा मतदान गर्न बोलाउने तयारी छ।
-1746009348.jpg)
