एमाले अध्यक्षमा उम्मेदवारी घोषणा गरेका ईश्वर पोखरेल पक्षको युवा भेला (तस्बिरहरू)

नवीनबाबु गुरूङ

काठमाडौं, मंसिर २६

नेकपा (एमाले)को वरिष्ठ उपाध्यक्ष ईश्वर पोखरेल पक्षका युवाहरूले भेला गरेका छन्।

शुक्रबार पोखरेल पक्षका युवाहरूमा काठमाडौं ब्यांक्वेटमा भेला भएका हुन्।

भेलामा ईश्वर पोखरेलसहित सुरेन्द्र पाण्डे, गोकर्ण विष्ट, योगेश भट्टराई लगायतका नेताहरू पनि सहभागी छन्।

नेकपा एमाले ११ औं महाधिवेशनको संघारमा आइपुग्दा अध्यक्ष केपी शर्मा ओली र वरिष्ठ उपाध्यक्ष ईश्वर पोखरेल समूहले गतिविधि तीव्र पारेका छन्। संस्थापन पक्षले बिहीबार स्वयम्सेवक भेला गरेको थियो।

संस्थापन पक्षले महाधिवेशनको व्यवस्थापनसँग सम्बन्धित कतिपय कामहरूमा पोखरेल समूहलाई सहभागी गराएको छैन। महाधिवेशन स्थलमा खटिने स्वयम्सेवकहरूमा पनि ओली पक्षले एकलौटी गरेको उनीहरूको आरोप छ।

त्यसलाई काउन्टर दिने तयारी पोखरेल समूहले गरेको हो। कार्यक्रममा अध्यक्षका प्रत्यासी ईश्वर पोखरेल लगायतले सम्बोधन गर्ने कार्यक्रम छ।

महाधिवेशन भोलि (शनिबार)बाट काठमाडौं उपत्यकामा सुरू हुँदैछ। उद्घाटन भक्तपुरको सल्लाघारीमा हुनेछ।

बन्दसत्र भने काठमाडौंको भृकुटीमण्डपमा आयोजना गरिनेछ। महाधिवेशन सुरक्षार्थ १० हजार स्वयमसेवक परिचालन गर्ने युवा संघले जानकारी दिएको छ।

तस्बिरहरूः

yemlae-yuwa-(29)-1765526497.jpg