मन्त्रिपरिषद बैठक जारी रहँदा गभर्नर विश्व पौडेल र नेपाल प्रहरीका महानिरीक्षक (आइजिपी) चन्द्रकुबेर खापुङ प्रधानमन्त्री तथा मन्त्रिपरिषदको कार्यालयमा पुगेका छन्।
बिहीबार सिंहदरबारस्थित प्रधानमन्त्री कार्यालयमा बैठक बसिरहेको छ।
यसबीच गभर्नर पौडेल र आइजिपी खापुङ पनि कार्यालयमा पुगेका हुन्। उनीहरूलाई कार्यालयमा किन बोलाइएको भन्ने यकिन भइसकेको छैन।
यद्यपि सरकारले राजनीतिक दलका शीर्ष नेताहरूको राहदानी रोक्का गर्ने विषयमा छलफल गरिरहेको छ।
सम्पत्ति शुद्धीकरण विभाग र पूर्वन्यायाधीश गौरीबहादुर कार्की नेतृत्वको उच्चस्तरीय जाँचबुझ आयोगले छानबिन गरिरहेको छ।
प्रधानमन्त्री सुशीला कार्कीले आज राष्ट्रका नाममा सम्बोधन गर्ने कार्यक्रम पनि छ।
-1746009348.jpg)
