नेपाली कांग्रेसका महामन्त्री विश्वप्रकाश शर्माले नयाा पुस्ताको अनुहार हेरेर उनीहरूले खोजेको परिवर्तन सम्भव बनाउने गरी अघि बढ्नुपर्ने बताएका छन्।
उनले लोकतन्त्र र संविधान नै खतरामा परेको बेला गुट जोगाउने कुरा नगर्न पनि आग्रह गरे।
‘लोकतन्त्र र संविधाननै खतरामा परेको बेला तपाईंले जोगाउने गुट होइन, तपाईं-हामीले जोगाउने र जगाउने विवेक होl त्यो विवेकको जगमा पार्टी, लोकतन्त्र र देशलाई उभ्याउने ह l दाइले, भाउजुले, काकाले, काकीले के भन्छन्- त्यो मेरो विचार नभन्नोस्l घरमा रहेका साना नानीबाबुको अनुहार हेर्नुस्, तिनले खोजेको परिवर्तन सम्भव तुल्याउने गरी अबको बाटो पहिल्याउनोस्l’
सप्तरीमा आगजनीमा परेको कांग्रेस जिल्ला कार्यालयको स्थिति अवलोकनपछि बिहीबार पार्टीका कार्यकर्ताहरूसँग कुराकानीका क्रममा महामन्त्री शर्माले उक्त कुरा भनेका हुन्।
भदौ २३ र २४ गते जेनजी पुस्ताको प्रदर्शनमा सामाजिक सञ्जाल खोल, भ्रष्ट्राचार नियन्त्रण गर, सुशासन स्थापना गर भन्ने एजेन्डा रहेको उनले बताए।
‘पहिलो माग सम्बोधन भइसकेको छ, थप दुई माग सम्बोधन गर्न समग्र राज्यप्रशासन र दलहरू गम्भीर एवं एक ढिक्का हुनुपर्छ,’ उनले भने।
कांग्रेसको अबको रणनीतिबारे पार्टीभित्र दुई खाले मत हुनु स्वभाविक रहेको उनले बताए। ‘हामी दुवै महामन्त्रीको प्रयास अत्यन्तै संयम र एकतासाथ आजको अवस्थाबाट एकढिक्का समाधान तर्फ लग्नमा रहनेछ,’ उनले भने।
महामन्त्री शर्मा यसअघि मोरङ, झापा र सुनसरी पुगेर बिहीबार सप्तरी आइपुगेका हुन्।
महामन्त्री शर्माले पार्टी सुधारका लागि नियमित वा विशेष महाधिवेशनको प्रस्ताव राख्दै आएका छन्।
-1758795747.jpg)
-1746009348.jpg)
