नेकपा (माओवादी केन्द्र)को केन्द्रीय समिति बैठक सुरू हुनासाथ हो-हल्ला भएको छ।
प्रज्ञा भवनमा बैठक सुरू हुने लाग्दा हो-हल्ला भएको हो।
हो-हल्ला भएपछि त्यहाँबाट पत्रकारहरूलाई बाहिर निकालिएको छ।
बैठक सुरू भएपछि केन्द्रीय सदस्य सुदन किराती र रञ्जित तामाङ लगायतका नेताहरुले केन्द्रीय सदस्यहरू सबैले बोल्नुपर्ने माग राखेका थिए।
'अहिलेको परिस्थितिका विषयमा बाहिर अनेकौं कुराहरू आइराखेका छन्। बाहिर राखेका कुराहरू हामी आधिकारिक मानिरेहका छैनौं। अवको यो स्थितिमा पार्टीको संगठनलाई कसरी अगाडि लाने हो भन्ने दृष्टिकोणमा सबैले दुई/तीन मिनेट राख्नुपर्छ। बाहिर अनेकौं तर्क राख्ने। पार्टीको बैठकमा केही नराख्ने। केही सिमित मान्छेहरूले मात्रै राख्ने अवस्थाले अहिलेको अवस्थालाई नेतृत्व गर्न सकिँदैन,' अखिल क्रान्तिकारीका पूर्वअध्यक्ष समेत रहेका तामाङले भनेका थिए।
केन्द्रीय समिति बैठकमा अध्यक्ष प्रचण्डले राखेको प्रस्तावमा भौगोलिक र गैरभौगोलिक समूहमा छलफल गर्ने भनिएको थियो।
तर प्रत्येक सदस्यले बोल्नुपर्ने आवाज उठ्न थालेपछि उद्घाटनकै दिन हो-हल्ला भएको थियो।
'बैठक दसै दिन गए पनि केही हुन्न तर विशेषगरी पछिल्लो राजनीतिक घटनाक्रमबारे सबैले कमिटीमा आफ्नो कुरा राख्नपर्छ भन्ने आवाज उठेको हो,' एक केन्द्रीय सदस्यले भने।
त्यसपछि महासचिव देव गुरूङले पत्रकारहरूलाई बाहिर जान भनेर बैठकको एजेन्डा प्रस्तुत गरेका थिए।
भिडिओः
-1746009348.jpg)
