पूर्वप्रधानमन्त्रीसमेत रहेका नेकपा (एमाले) का अध्यक्ष केपी शर्मा ओलीले देशलाई माया गर्नेहरूले सिंहदरबार नजलाएको र अरू नै घुसपैठ तत्वहरूले जलाएको बताएका छन्।
जेनजी आन्दोलनका क्रममा भदौ २४ गते सिंहदरबारमा पनि आगजनी भएको थियो। जेनजी आन्दोलनपछि भदौ २४ गते नै ओलीले प्रधानमन्त्री पदबाट राजीनामा दिएका थिए।
निवास भक्तपुरको गुण्डुमा आज नेता कार्यकर्ताहरूसँग कुराकानी गर्दै अध्यक्ष ओलीले भने, ‘युवाहरूलाई देशभक्त बनाउनु पर्छ। देशलाई र जनतालाई माया गर्ने त्यस्ता युवाको पङ्ति तयार गर्नुपर्छ। नयाँ पुस्ता देश र समाजप्रति जिम्मेवार हुनुपर्छ।’
हामीले देश बनाउनुपर्छ भन्दै उनले सिंहदरबार कसले जलायो थाहा नभएको पनि बताए।
‘देश र इतिहासलाई माया गर्ने मानिसले सिंहदरबार जलायो होला र पक्कै जलाएन। सिंहदरबार जलाउँछु भनेर जो पहिलेदेखि नै भन्दै थिए त,’ उनले भने, ‘यो उनीहरूको योजनाबद्ध काम हो, यस्तो कुरा हामीले बुझ्नुपर्छ। बादल लाग्यो भन्दैमा बादल हट्दैन भन्ने हुँदैन।’
भिडिओ:
-1746009348.jpg)
