जेनजी आन्दोलनको न्यायिक जाँचबुझका लागि गठित पूर्वन्यायाधीश गौरीबहादुर कार्की संयोजकत्वको आयोगले कार्यादेश नपाउँदा काम सुरू गर्न सकेको छैन।
मन्त्रिपरिषदको बैठकले कार्कीको नेतृत्वमा आइतबार आयोग गठन गरेको थियो।
गौरीबहादुर कार्की विशेष अदालतका पूर्वअध्यक्ष हुन्। उक्त आयोगमा पूर्वएआइजी विज्ञानराज शर्मा र कानुनविद् विश्वेश्वर प्रसाद भण्डरी सदस्य छन्।
आयोगलाई तीन महिना समयअवधि दिइएको छ।
सेतोपाटीले कार्कीलाई आयोगको क्षेत्राधिकारबारे प्रश्न सोधेको थियो।
जबाफमा कार्कीले भने – अहिलेसम्म कार्यादेश (टिओआर) र नियुक्ति पत्र पाएका छैनौँ।
भदौ २३ र २४ गते भएको जेनजी पुस्ताको आन्दोलनमा ठूलो संख्यामा युवाहरूले ज्यान गुमाएका थिए। उक्त आन्दोलनमा अहिलेसम्म ७४ जनाको मृत्यु भएको छ।
त्यस्तै, भदौ २४ गते राजधानी लगायत देशभर सार्वजनिक तथा व्यक्तिगत सम्पत्तिमा आगजनी तथा तोडफोड भएको थियो।
सिंहदरबार, सर्वोच्च अदालत, संसद भवन सहित देशभरका सार्वजनिक सम्पत्ति जलेका छन्।
साथै भाटभटेनी सुपरमार्केट, हिल्टन होटल लगायतका निजी लगानीका सम्पत्ति र विभिन्न राजनीतिक र सरकारी कर्मचारीको सम्पत्ति तोडफोड र आगजनी भएको थियो।
कार्की नेतृत्वको आयोगले आगजनी सहित दुबै दिनको घटनाको छानबिन गर्न लागेको हो वा गोली प्रहारको घटनाको मात्र छानबिन गर्न लागेको भन्ने स्पष्ट छैन।
-1702784037.jpg)
-1746009348.jpg)
