जेनजी आन्दोलन चलिरहेका बेला पूर्वमा राजनीतिक दल त्यागेको घोषणा गर्नेहरूको लर्को लागेको छ।
एमाले केन्द्रीय सदस्य तथा मोरङ इन्चार्ज जीवन घिमिरे र उनकी पत्नी विमला घिमिरेले पार्टी त्यागेको घोषणा गरेका छन्।
जेनजी आन्दोलनमा सरकारले गरेको दमन निन्दनीय भएको बताउँदै उनीहरूले दल त्यागेको घोषणा गरेका हुन्।
बेलबारी नगरपालिकाका पूर्वप्रमुख एवं अहिले कोशी प्रदेश सभा सदस्य ज्ञानेन्द्र सुवेदीले पनि एमाले छाडेको घोषणा गरेका छन्।
यस्तै मोरङको बेलबारी नगरपालिकाका मेयर डिपी राईले पदबाट राजीनामा घोषणा गरेका छन्। उनले एमाले पार्टी र जनप्रतिनिधिको जिम्मेवारीबाट राजीनामा दिएको घोषणा गरेका हुन्।
कांग्रेसबाट बेलबारी नगरपालिकाकी उपप्रमुख निर्वाचित नितु थापा कोइरालाले पनि पार्टी र उपमेयर पदबाट राजीनामा दिएको घोषणा गरेकी छन्।
अहिलेसम्म कोशीका दर्जनौं वडाध्यक्षहरू, पार्टी कार्यकर्ताहरूले सामाजिक सन्जालबाट पार्टी छाडेको घोषणा गरिरहेका छन्।
-1746009348.jpg)
