निजामती कर्मचारीहरूले स्वास्थ्य उपचार सुविधा स्वास्थ्य बिमा बोर्डमार्फत् पाउने भएका छन्।
राष्ट्रिय सभाको विधायन व्यवस्थापन समितिले निजामती सेवा विधेयकमा यस्तो व्यवस्था मिलाएको हो।
‘नेपाल सरकारका निजामती कर्मचारी तथा निजामती कर्मचारीको परिवारको सदस्यको औषधि उपचारका लागि स्वास्थ्य बिमासम्बन्धी प्रचलित कानुनबमोजिम स्थापना भएको स्वास्थ्य बिमा बोर्डसँग आबद्ध गरी योगदानमा आधारित स्वास्थ्य बिमा योजना लागू गर्ने’ व्यवस्था निजामती सेवा विधेयकमा उल्लेख गरिएको हो।
अनिता देवी संघीय मामिला तथा सामान्य प्रशासन मन्त्री हुँदा ल्याइएको निजामती सेवा विधेयकमा 'नेपाल सरकारका निजामती कर्मचारी तथा निजामती कर्मचारीको परिवारको सदस्यको औषधि उपचारका लागि प्रचलित कानुनबमोजिम स्थापना भएको सामाजिक सुरक्षा कोषसँग आबद्ध गरी योगदानमा आधारित स्वास्थ्य बिमा योजना लागू गर्ने व्यवस्था’ गरिएको उल्लेख थियो।
यो व्यवस्थालाई प्रतिनिधि सभाले यथावत राखेको थियो।
निजामती सेवा विधेयकबारे राष्ट्रिय सभाको विधायन व्यवस्थापन समिति बैठकमा छलफल गरिएको थियो। उक्त छलफलले निजामती कर्मचारी तथा निजामती कर्मचारीको परिवारको सदस्यको औषधि उपचारका लागि स्वास्थ्य बिमासम्बन्धी प्रचलित कानुनबमोजिम स्थापना भएको स्वास्थ्य बिमा बोर्डसँग आबद्ध गरी योगदानमा आधारित स्वास्थ्य बिमा योजना लागू गर्ने’ व्यवस्था गरेको हो।
स्वास्थ्य तथा जनसंख्या मन्त्री प्रदीप पौडेलले राष्ट्रिय सभाको विधायन समितिमा निजामती सेवा विधेयकबारे छलफल हुँदा यसबारे चासो राखेका थिए भने मन्त्रालयका तर्फबाट पत्र नै पठाएर निजामती कर्मचारी र उनीहरूका परिवारका सदस्यहरूको औषधि उपचारको व्यवस्था स्वास्थ्य बिमा बोर्डसँग आबद्ध गरी योगदानमा आधारित स्वास्थ्य बिमा योजना लागू गर्न पहल गरेका थिए। सोहीअनुसार राष्ट्रिय सभाको विधायन व्यवस्थापन समितिले स्वास्थ्य बिमा बोर्डसँग आबद्ध गर्ने व्यवस्था संघीय निजामती सेवा ऐनमा गरेको छ।
यो पनि: यी हुन् राष्ट्रिय सभाले संघीय निजामती सेवा विधेयकमा गरेका महत्त्वपूर्ण परिमार्जन
-1756794700.JPG)
-1746009348.jpg)
