प्रतिनिधि सभा बैठकमा विपक्षी दलहरूले विरोध जनाएका छन्।
बुधबारको बैठकमा प्रमुख प्रतिपक्षी दल नेकपा (माओवादी केन्द्र), राष्ट्रिय स्वतन्त्र पार्टी, एकीकृत समाजवादी, राप्रपा लगायत दलका सांसदहरू उठेर विरोध जनाएका हुन्।
बैठक सुरू भएलगत्तै विपक्षी सबै दलका सांसदहरू कुर्सीबाट उठेका थिए।
विपक्षी दलका सांसदहरुले विरोध जनाएपछि सभामुख देवराज घिमिरेले प्रमुख प्रतिपक्षी दल माओवादी केन्द्रका सांसद शक्ति बस्नेतलाई समय दिएका थिए।
उनले विद्युत प्राधिकरणलाई नाफामा पुर्याउने, लोडसेडिङ अन्त्य गर्ने जस्ता राम्रा काम गरेपनि सरकारले हटाएको विषयमा प्रधानमन्त्रीले जबाफ दिनुपर्ने बताए।
सरकारका मन्त्रीहरूले लोडसेडिङ अन्त्यको भारतले गर्दा भएको भन्ने अभिव्यक्तिमा सत्यता नभएको पनि बताए। घिसिङको कार्यकुशलताका कारण नेपाल लोडसेडिङ मुक्त भएको र आम जनचाहनाविपरीत सरकारले गलत नियतका साथ कुलमानलाई निकालेको बताए।
'स्पष्टीकरणको नौटंकी रचेर आफ्नो गलत कर्तुतलाई छोप्ने दुष्प्रयत्न गर्यो। प्राधिकरणलाई बक्यौता उठाउन नदिने र जल माफियाहरूको स्वार्थ पूरा गर्न हटाइयो,' उनले भने।
त्यसकारण प्रधानमन्त्रीले त्यसबारेमा सदनलाई जानकारी गराउनुपर्ने बस्नेतले बताए।
'राष्ट्रिय सरोकारको विषय भएकाले प्रधानमन्त्रीले संसदलाई जानकारी नगराउन्जेलसम्म संसद सुरु हुन नसक्ने जानकारी गराउँछौं,' बस्नेतले भने।
विपक्षी दलहरूको विरोधपछि प्रतिनिधि सभा बैठक आधा घन्टालाई सरेको छ।
तस्बिरहरूः
-1742968816.jpg)
-1742968814.jpg)
-1742968813.jpg)
-1742968813.jpg)
-1742968811.jpg)
-1742968811.jpg)
-1742968814.jpg)
-1742968811.jpg)
