पोखराको पृथ्वीनारायण क्याम्पसको स्वतन्त्र विद्यार्थी युनियन निर्वाचनको मत गणनामा नेकपा (एमाले )निकट अनेरास्ववियुले अग्रता कायमै राखेको छ।
३८६ मत गणना हुँदा अनेरास्ववियुका अध्यक्षका उम्मेदवार विष्णु पोखरेलले १६१ मत ल्याएका छन्। नेपाली कांग्रेसनिकट नेविसंघका उम्मेदवार सुशील न्यौपानेले ६८ मत ल्याएका छन्। उनी ९३ मतले पछि छन्।
स्वतन्त्र उम्मेदवार विप्लवी न्यौपानेले ५२, अखिल क्रान्तिकारीका नवीन अधिकारीले ३१ मत ल्याएका छन्। संयुक्त प्यानलको सन्तोष पौडेलले २४ मत, स्वतन्त्र उम्मेदवार कमल सुवेदीले १६ र प्राज्ञिक विद्यार्थी परिषद्का दिप्सन गुरूङले ११ मत ल्याएका छन्।
सचिवमा एमाले अखिलका विराज दुवाडीले १८२ मत ल्याएका छन्। कोषाध्यक्षमा पनि एमाले अखिलका सन्दिका गुरुङले १८० मत ल्याएकी छन्।
पिएन क्याम्पसमा चैत ५ गते नै स्ववियु निर्वाचन तय भएको थियो।
तर, मतपत्रमा अखिल छैठौंको मत संकेत गर्ने ठाउँमा कोष्ठक चिह्न नै नभेटिएपछि मतदान रोकिएको थियो।
आइतबार भएको मतदानमा २९८७ विद्यार्थीले मतदान गरेका थिए। देशकै ठूलो क्याम्पस पिएनमा ९२७० जना विद्यार्थी अध्ययनरत छन्।
