राष्ट्रिय प्रजातन्त्र पार्टी (राप्रपा) ले फागुन महिनामा देशका विभिन्न सहरमा सभा गर्ने भएको छ।
राप्रपाको केन्द्रीय कार्यसमितिको हालै सम्पन्न बैठकले माघ र फागुन महिनामा देशका विभिन्न सहरमा साना ठूला सभाहरू गर्ने र चैतमा काठमाडौंकेन्द्रित आन्दोलन गर्ने निर्णय गरेको थियो।
माघ महिनामा संगठन सुदृढीकरण र साना सभाहरू भएको राप्रपाले बताएको छ।
फागुन ९ गते गण्डकी प्रदेशको पोखराको चिप्लेढुंगामा, फागुन १५ गते लुम्बिनी प्रदेशको बुटवलमा र फागुन १८ गते सुदूरपश्चिम प्रदेशको धनगढीमा सभा हुने राप्रपाका प्रवक्ता एवम् प्रचार विभाग प्रमुख मोहनकुमार श्रेष्ठले बताए।
सरकारले गलत कार्यशैली अपनाएको, भ्रष्टाचार एवम् बेथिति बढेको भन्दै त्यसको विरोधका लागि सभाको आयोजना गरिएको उनले बताए।
पोखरा, बुटवल र धनगढीमा हुने सभालाई अध्यक्ष राजेन्द्र लिङ्देन लगायत पार्टीका वरिष्ठ नेताहरूले सम्बोधन गर्नेछन्।
सभामार्फत् हिन्दु राष्ट्र र राजसंस्थाको पुनर्स्थापना, प्रदेश संरचनाको खारेजी, प्रत्यक्ष निर्वाचित कार्यकारी प्रधानमन्त्रीको पक्षमा जनमत बनाउने पनि श्रेष्ठले बताए।
-ink-1712650249.jpeg)
