पाँचथरको फाल्गुनन्द गाउँपालिकाको प्रमुख पदमा भएको उपनिर्वाचनको मतगणना चलिरहँदा नेकपाले अग्रता लिएको छ।
विहान ९ः५० बजेबाट मतगणना सुरु भएको निर्वाचन अधिकृतको कार्यालय फाल्गुनन्दले जनाएको छ। जम्मा १६४४ मत गन्दा नेपाल कम्युनिष्ट पार्टीका वीरबहादुर कुरुम्बाङले ७८१ मत प्राप्त गरेका छन् भने नेपाली कांग्रेसका वृजहाङ आङदेम्बेले ७१३ मत प्राप्त गरेका छन्। नेकपाका कुरुम्बाङले प्रतिस्पर्धीभन्दा ६८ मतले अग्रता लिएका छन्।
समाजवादी पार्टीकी विमला आङदेम्वेले ९३ मत प्राप्त गरेकी छन्। कुल १६ हजार ५ सय ७७ मतदाता मध्ये १० हजार ८ सय २३ मत खसेको थियो।
