नेपाल कम्युनिष्ट पार्टी दर्ता प्रकृया सुरू


नेकपा एमाले र माओवादी केन्द्र एकीकरणबाट नयाँ बन्ने नेपाल कम्युनिष्ट पार्टी दर्ताको लागि प्रकृया सुरू हुने भएको छ।

दल दर्ताका लागि पार्टी बिहिबार नै निर्वाचन आयोग जाने कार्यक्रम रहेको आयोगले जनाएको छ।

‘आजै दल दर्ता होइन। प्रकृया सुरु हुने हो,’ आयोगका उपन्यायाधीवक्ता घनश्याम ओझाले सेतोपाटीसँग भने, ‘उहाँहरूले ३ बजे नै आइपुग्छौं भन्नुभएको थियो। अहिलेसम्म आउनुभएको छैन।’

पार्टी दर्ताका लागि पार्टीको नाम, चुनाव चिन्ह, झन्डा, केन्द्रीय सदस्य संख्या लगायतको विस्तृत जानकारी आयोगमा बुझाएपछि प्रकृया सुरू हुन्छ।

यसैबीच, सोही पार्टीको नाममा दर्ता भइसकेको छ अर्को पार्टीले मापदण्ड पुर्याएको छ भने एकीकृत पार्टी दर्ता नहुने आयोगले जनाएको छ। ‘त्यो नामको अर्को दलको मापदण्ड पुगेको छ/छैन हेर्छौं। पुगेको छैन भने दल स्वत खारेज हुन्छ,’ उपन्यायाधीवक्ता ओझाले भने, ‘मापदण्ड पुगको छ भने एकीकृत पार्टी दर्ता हुन्न।’

Share:

© 2017 Setopati Sanchar Pvt. Ltd.