स्वेतपत्रमा उल्लेखित विषय आफैँमा विवादास्पद : मिनेन्द्र रिजाल

फाइल तस्बिर।


प्रतिपक्षी दल नेपाली कांग्रेसले अर्कालाई दोष लगाई जिम्मेवारीबाट पन्छिने बाटोमा नलाग्न सरकारलाई चेतावनी दिएको छ।

मंगलबार बसेको प्रतिनिधिसभाको बैठकमा बोल्दै नेपाली कांग्रेसका सांसद मिनेन्द्र रिजालले हालै सार्वजनिक स्वेतपत्रमा अघिल्लो सरकारले गरेका निर्णयलाई अवमूल्यन गरी दोषारोपण गर्ने काम भएको भन्दै आरोप प्रत्यारोपको बाटो नहिड्न चेतावनी दिएका हुन्।

हालै सार्वजनिक स्वेतपत्रमा सरकारी ढुकुटी रित्तो अवस्थामा छ भनेर सरकारले अतिरञ्जना गरेको आरोप पनि उनले लगाए। अघिल्लो सरकारले संविधानमा गरेको व्यवस्थालाई कार्यान्वयनका लागि स्वास्थ्यको क्षेत्रमा गरेको निर्णयलाई अर्थमन्त्रीले स्वेतपत्रमा फजुल खर्च भनी चित्रण गर्नुभएको भन्दै उनले आपत्ति जनाए।

भूकम्प पीडितको व्यवस्थाका लागि गरिएको थप राहतको व्यवस्थालाई गैह्र जिम्मेवार भनी व्याख्या गरिएकोमा पनि उनले आपत्ति जनाए। उनले उत्पादन वृद्धि हुन नसक्नुको कारण नखोजी आयात मात्रै बढेको विषयलाई मात्रै प्राथमिकता देखाई अर्थतन्त्रको अवस्था उजागर नहुने भन्दै उनले स्वेतपत्रमा उल्लेखित विषय आफैँमा विवादास्पद देखिएको दाबी गरे।

Share:

© 2017 Setopati Sanchar Pvt. Ltd.