सीमा अतिक्रमणप्रति तरुण दलले गर्याे ध्यानाकर्षण


नेपाली सीमा र अस्मितामाथि भारतीय पक्षबाट गम्भीर चोट पुर्याउने घटना भइरहेकोप्रति नेपाल तरुण दलले ध्यानाकर्षण भएको जनाएको छ।

दलका महामन्त्री भूपेन्द्रजंग शाहीबाट हिजो जारी गरिएकाे विज्ञप्तिमा उक्त कदमलाई तत्काल रोक्न माग गरिएकाे छ। ‘नेपाली सीमा अतिक्रमण भएको घटनाले हामीलाई दुःखी र आक्रोशित बनाएको छ, पर्सा, रौतहट, कञ्चनपुरलगायत जिल्लाको नेपाली भूमि मिचेर जंगे पिलर सारिएको घटनाप्रति हामी गम्भीर आपत्ति प्रकट गर्दछाैँ’– विज्ञप्तिमा भनिएको छ।

घटनाको सत्यतथ्य पत्ता लगाई बारम्बार हुने सीमा अतिक्रमणको दीर्घकालीन समाधानको लागि उचित पहलकदमी लिन दलले सरकारसँग जोडदार माग गरेको छ।

अतिक्रमण बन्द नभए भूमि रक्षाको लागि जुनसुकै कदम चाल्न दल बाध्य हुने भनी सम्बन्धित पक्षलाई सचेत गराइएको छ।

Share:

© 2017 Setopati Sanchar Pvt. Ltd.