राष्ट्रिय सभा निर्वाचनका लागि १५ दिनभित्र दल दर्ता गर्न आयोगको आह्वान


निर्वाचन आयोगले राष्ट्रिय सभा सदस्य निर्वाचनका लागि दल दर्ता आह्वान गरेको छ। आयोगको बैठकले दर्ताका लागि १५ दिनको समय निर्धारण गरेको छ।

‘संविधानको धारा २६९ बमोजिम आयोगमा दर्ता कायम रहेका राजनीतिक दलहरूले निर्वाचन प्रयोजनका लागि संविधानको धारा २७१ र राजनीतिक दल सम्बन्धी ऐन, २०७३ को दफा ४८ र ४९ बमोजिम दर्ताका लागि आव्हान गरिएको छ,’ आयोगले भनेको छ।

आयोगले प्रतिनिधिसभा सदस्य तथा प्रदेशसभा सदस्यको निर्वाचन सम्पन्न भइसकेको र राष्ट्रियसभा सदस्यको निर्वाचन गरेपछि मात्र संघीय संसदको निर्माण सम्पन्न हुने स्पष्ट गरेको छ। साथै राष्ट्रिय सभाको निर्वाचन निकट भविष्य निर्वाचन हुने आयोगले उल्लेख गरेको छ।

राष्ट्रियस सभा निर्वाचन सम्बन्धी अध्यादेश राष्ट्रपतिले २ महिना देखि अड्काएर राखेकी छन्। राष्ट्रियसभा निर्वाचन एकल संक्रमणीय आधारमा गर्ने की बहुमतीय आधारमा भन्ने बारे कांग्रेस र एमाले वीच विवाद छ। राष्ट्रपतिले भने सहमति गरेर आउन राजनीतिक दलहरुलाई भनिरहेकी छन्।

Share:

© 2017 Setopati Sanchar Pvt. Ltd.