सिन्धुपाल्चोकमा कांग्रेसका निमा लामाले विउ जोगाए


सिन्धुपाल्चोकमा प्रदेशसभा तर्फको पनि अन्तिम मत परिणाम सार्वजनिक भएको छ। २ वटै प्रतिनिधि सभा मा बाम गठबन्धनका उम्मेदवार विजय हाँसिल गरेका सिन्धुपाल्चोकमा प्रदेश सभा भने दुवै गठबन्धन लाई बाँडीएको छ ।

प्रतिनिधि सभा १ तर्फको दुवै प्रदेश सभा एमाले पोल्टामा परेको छ। प्रदेश सभा १ मा एमालेका अरूण नेपालले काँग्रेसका विष्णुबहादुर खत्रीलाई पराजित गरे। एमालेका पोलिटब्युरो सदस्य समेत रहेका नेपाल प्रतिनिधि सभा उम्मेदवारको दावि गरे पनि ३ नं प्रदेशको मुख्यमन्त्री पदको आश्वासनमा प्रदेश सभामा उठेका थिए। नेपाल २०७० को निर्वाचनमा सिन्धुपाल्चोक १ मा कांग्रेस का मोहनबहादुर बस्नेतसँग ३२ मतले पराजित भएका थिए।

प्रदेश २ मा पनि एमालेकै शुरेश नेपालले जित हात पारेका छन्। पूर्वजिविस सभापति समेत रहेका नेपालले कांग्रेसका राजेन्द्रकुमार श्रेष्ठलाई पराजित गरेका हुन्। खत्रि बाह्रबिसे क्षेत्र का व्यापारी हुन् भने श्रेष्ठ सिन्धु विकास बैंक का अध्यक्ष हुन्।

यस्तै प्रतिनिधि सभा २ तर्फको प्रदेश सभा १ मा माओवादि केन्द्रका युवराज दुलालले जित हात पारे। काँग्रेस का विकास तामाङलाई पछि पार्दै दुलालले जित हात पारेका हुन्।

प्रदेश २ मा भने बडो रोमाञ्चक ढंगले मतपरिणाम आएको छ । मतगणनाको शुरुवात देखिनै झिनो मतान्तरले अघि रहेका कांग्रेसका निमा लामाले अन्तिम समयसम्म पनि अग्रता कायम गर्दै १९७ मतको झिनो अन्तरले माओवादि केन्द्र का दावा तामाङलाई पराजित गरे यससँगै सिन्धुपाल्चोक ६ सिटमा बामपंथी गठबन्धन को ५ र लोकतान्त्रिक गठबन्धन को १ सिट मा विजय प्राप्त गरेको छ।

सिन्धुपाल्चोक अन्तिम मत परिणाम

प्रतिनिधि सभा १

प्रदेश क

मतगणना  ३९८६४

एमाले अरूण नेपाल २१७१२ विजयि

काँग्रेस बिष्णु बहादुर खत्री  १४६३३

 

प्रदेश ख

मतगणना  ३८९८७

एमाले सरेश नेपाल २२८३७ विजयि

काँग्रेस राजेन्द्रकुमार श्रेष्ठ १२१८७

 

प्रतिनिधि २

प्रदेश क

मतगणना ३७२९३

माओवादि केन्द्र  युवराज दुलाल २०६८७ विजयी

काँग्रेस बिकास तामाङ  १३५२१

 

प्रदेश ख

मतगणना ४०७०१

कांग्रेस निमा लामा १८९०५ विजयी

माओवादी केन्द्र दावा तामाङ  १८७०८

Share:

© 2017 Setopati Sanchar Pvt. Ltd.