बन्दीपुरमा प्याराग्लाइडिङ । पर्यटकीय नगरी तनहुँको बन्दीपुर गाउँपालिका-२ भन्ज्याङबाट प्याराग्लाइडिङ गर्दै पर्यटक। बन्दीपुरको प्याराग्लाइडिङ पर्यटकको रोजाइमा पर्न थालेपछि भीड बढ्न थालेको छ। तस्बिर: सागर गिरी/रासस
खिङ्गा गाउँ । मुस्ताङको वारागुङ मुक्तिक्षेत्र गाउँपालिका-१ मा अवस्थित खिङ्गा गाउँ र आसपासको क्षेत्र। जोमसोमदेखि मुक्तिनाथ दर्शन गर्न जाने क्रममा आँखै अगाडि देखिने यो एउटा ऐतिहासिक महत्त्व बोकेको गाउँमा पछिल्लो समय पर्यटकको आगमन बढ्न थालेपछि यहाँको होटल व्यवसाय सँगै सर्वसाधारणको दैनिकीमा परिवर्तन हुँदै आएको छ। तस्बिर: सुशीलबाबू थकाली/रासस
चैती छठ पर्व । महोत्तरी जिल्लाको सदरमुकाम जलेश्वर नगरपालिका–१ स्थित बरूण सरोवरमा आज चैती छठ पर्व मनाउन पूजाका सामग्री लिएर छठ घाट आएका व्रतालु। तस्बिर: सञ्जीतकुमार मण्डल/रासस
गुफा पोखरी । सङ्खुवासभाको चैनपुर नगरपालिका–१ मा रहेको पर्यटकीयस्थल गुफापोखरी । दुई हजार ८९० मिटर उचाइमा रहेको गुफापोखरी आन्तरिक तथा बाह्य पर्यटकका लागि उत्कृष्ट गन्तव्यको रूपमा परिचित छ। तस्बिर: नवीन गड्तौला/रासस
