सराङकोटमा पञ्चमुखी गणेश मूर्ति । पोखराको सराङकोटमा निर्माण गरिएको ६५ फिट अग्लो पाँचमुखे गणेशको मूर्ति। सूर्योदय दृष्यावलोकनको लागि ख्याति कमाएको सराङकोट पछिल्लो समय धार्मिक क्षेत्रको रूपमा समेत विकसित हुँदै गएको छ। तस्बिर: हरिप्रसाद बास्तोला/रासस
मुरली चरा । शुक्लाफाँटा नगरपालिका-४ स्थित खेतमा कीरा खाँदै गरेको मुरली चरा। रैथाने प्रजातिको यस चराले कीरा फट्याङग्रा, पुतली लगायत खाने गर्दछ। यो चरा किसान मैत्री चराका रूपमा परिचित रहेको छ। तस्बिर: राजेन्द्रप्रसाद पनेरू/रासस
हाते ट्याक्टरले खेत जोत्दै महिला । ताप्लेजुङको मिक्वाखोला गाउँपालिका-२, खुर्पादेन क्षेत्रमा मकै रोप्न हाते ट्याक्टरले खेत जोत्दै महिला। यस क्षेत्रमा प्रधानमन्त्री कृषि आधुनिकीकरण परियोजना र किसानहरूको साझेदारीमा 'मकै जोन' कार्यक्रम सञ्चालनमा रहेको छ। तस्बिरः दिलकुमार लिम्बू/रासस
गुराँस र हिमाल । बागलुङको बडिगाड गाउँपालिका–७ स्थित पर्यटकीय क्षेत्र थामचौरबाट देखिएको फुलेको गुराँस र धौलागिरि सहितको हिमश्रृङ्खला। तस्बिर: खेमराज गौतम/रासस
-copy-1741245300.jpg)
