आजका तस्बिर- साउन ५

आहा! सुन्दर रिङरोड । कोटेश्वरदेखि कलंकीसम्म रहेको ललितपुरतर्फको रिङरोड सडकखण्ड यतिबेला निकै सुन्दर देखिएको छ। विभिन्न ठाउँको ट्राफिक लाइट अनि यहाँको सडकमा देखिएको हरियालीले थप सुन्दरता छाएको छ। तस्बिर: नवीनबाबु गुरूङ/सेतोपाटी

गाउँका एकै खालका घर । पोखरा महानगरपालिका–१६ मा अवस्थित सुन्दर हरपाक गाउँका एकै खालका घरहरू। तस्बिर: कृष्ण दवाडी/रासस

रोल्पा पाटनमा चर्दै गरेका भेडा । जाजरकोटको बारेकोट गाउँपालिका–४ स्थित रोल्पा पाटनमा चर्दै गरेका भेडाहरू। वर्षायाममा भेडी गोठालाहरू आवश्यक सामग्री लिएर पाटनमै भेडा पालन गर्छन्। तस्बिर: हेमन्त केसी/रासस

हात्तीको मूर्ति । तनहुँको आँबुखैरेनी गाउँपािलका–४ ऐनापहरामा निर्माण गरिएको हात्तीको मूर्ति । ऐनापहरालाई पर्यटकीय गन्तव्यस्थल बनाउन गाउँपालिकाले पहल थालेको छ। तस्बिर:कृष्ण न्यौपाने/रासस