आजका तस्बिर- माघ ६

फिनाममा नयाँ झोलुङ्गे पुल । गोरखा नगरपालिका-४ स्थित फिनाममा निर्माण गरिएको झोलुङ्गे पुल। तस्बिर: दीपक श्रेष्ठ/रासस

परशुराम मूर्ति । डडेल्धुराको परशुराम नगरपालिका महाकाली किनारमा रहेको हिन्दु धर्मावलम्बीहरूको पवित्र धार्मिकस्थल मध्येको एक मानिने परशुराम धाममा रहेको भगवान परशुरामको अग्लो मूर्ति। यो मूर्ति हेर्न र धामको अवलोकन गर्न आन्तरिक पर्यटकहरू भित्रिने क्रम बढेको छ। तस्बिर: धनबहादुर भण्डारी/रासस

शितलहर र बाक्लो कुहिरोले जनजीवन प्रभावित । शनिबार बिहान सर्लाही सदरमुका मलङ्गवामा लागेको कुहिरो। चिसो हावासँगै झरिरहेको शितलहर तथा बाक्लो मात्रामा लागेको कुहिरोका कारण सर्लाही जिल्लाको जनजीवन प्रभावित भएको छ। तस्बिर: विश्वनाथ ठाकुर/रासस

कालोपत्रेलाई तीव्रता । मुग्लिन पोखरा सडक विस्तारको पूर्वी खण्डअन्तर्गत तनहुँको आँबुखैरेनी खण्डमा कालोपत्रे गरिँदै। पूर्वी खण्डअन्तर्गत हालसम्म १९ किलोमिटर खण्ड कालोपत्र सकिएको छ। तस्बिर: कृष्ण न्यौपाने/रासस