आजका तस्बिर: साउन २१

कुँडुले फेँदी । बागलुङ नगरपालिका–४ स्थित कुँडुले फेँदी। बागलुङको अन्न भण्डारका रूपमा परिचित यो ठाउँ अहिले खेतीयोग्य जमिन मासेर धमाधम बस्ती विस्तार भइरहेको छ। तस्बिर: डम्मर बुढामगर/रासस

चराको कला । दङिशरण गाउँपालिका–४ वैवाङस्थित स्थानीयको घरनजिक खजुरको बोटमा तोप चराले बनाएको गुँड। तोप चराको भालेले गुँड बनाउछ भने, गुँड मन परेन भने पोथी गुँडभित्र पस्दैन। तस्बिरः कुलदीप न्यौपाने/रासस

सुन्दर गाउँ । बंगलाचुली गाउँपालिका–२ को काल्चको सुन्दर गाउँ। यो गाउँका घरमा अझै पनि फुसको छानो छन्। तस्बिर: रञ्जिता अधिकारी/रासस

मानुङकोटमा नेपालको झण्डा । तनहुँको व्यास नगरपालिका–५ मानुङकोटमा राखिएको नेपालको राष्ट्रिय झण्डा। टिम नेपो तनहुँले मानुङकोट डाँडामा नेपालको झण्डा राखेको हो। तस्बिर : कृष्ण न्यौपाने/रासस