द कन्भरसेसन- ३६
कुमार कट्टेल (जिग्री) र अर्जुन घिमिरे (पाँडे) नेपाली टेलिभिजन सिरियलका दर्शकमाझ लोकप्रिय कलाकार हुन्।
हास्य टेलिशृंखला 'सिस्नुपानी झ्याम्मै' बाट सहकार्य सुरू गरेका उनीहरू 'भद्रगोल' बाट चर्चामा आएका थिए। उनीहरूले सिरियलमा अभिनय मात्र गरेका छैनन्, लेखन र निर्देशनको जिम्मेवारी पनि सम्हाल्दै आएका छन्।
भद्रगोलपछि उनीहरूले अर्को हास्य सिरियल 'सक्किगोनि' सुरू गरे, जुन अहिलेको लोकप्रिय सिरियलमध्ये पर्छ।
यहाँसम्म आइपुग्दा उनीहरूको सहकार्यले दशक नाघेको छ। र, उनीहरू करिअरको नयाँ मोडमा समेत आइपुगेका छन्।
उनीहरूले अहिले सिरियलबाट सिनेमामा फड्को मारेका छन्। 'सक्किगोनि' टिमद्वारा निर्मित फिल्म 'लाज शरणम्' फागुन १४ बाट देशभरका हलमा प्रदर्शन हुँदैछ।
'सेतोपाटी कन्भरसेसन' को आजको अंकमा कुमार कट्टेल (जिग्री) र अर्जुन घिमिरे (पाँडे) ले पात्रको गेटअपबाहिर रहेर एकअर्कासँग कुराकानी गरेका छन्।
उनीहरूले आफ्नो दोस्ती कसरी जम्यो भन्नेबारे चर्चा गरेका छन्। सिरियल बनाउनुअघिको संघर्ष, सिरियलबाट पाएको माया र फिल्मसम्मको यात्राबारे पनि वर्णन गरेका छन्।
फिल्म बनाउन थालेपछि अब उनीहरू सिरियललाई निरन्तरता दिन्छन् कि दिँदैनन्? उनीहरूले यसबारे पनि आफ्नो धारणा खुलाएका छन्।
हेर्नुहोस्, जिग्री र पाँडेको भिडिओ कुराकानी, सेतोपाटी कन्भरसेसनमा—
