अचानक
कसरी पस्यो आगो
अमेरिका?
सीमा कडा पारिँदै थियो
अवैध पतिङ्गर बढारिँदै थियो
लुकेर, झुकेर वा ढुकेर
पस्नेको सङ्ख्या स्वाट्टै झारिँदै थियो
अचानक...
अचानक
अग्ल्याउँदा अग्ल्याउँदैको पर्खाल नाघेर
टालिँदा टालिँदैको दुलो छिचोलेर
ढाकिँदा ढाकिँदैको आकाश छेडेर
कसरी पस्यो
आगो अमेरिका?
कि कसैले जन्म दियो
झिल्कोलाई अमेरिकामा?
कि भिसा लाग्यो
राँकोलाई अमेरिकाको?
कि डिभी पर्यो
डँडेलोलाई?
अचानक
कसरी पस्यो आगो
अमेरिका?
