चार सयले बढ्यो सुनको मूल्य

फाइल तस्बिर।


निरन्तरजसो उक्लिएको सुनको मूल्य आज तोलामा ४ सय रुपैयाँले बढेको छ।

शुक्रबार प्रतितोला ५४ हजारमा कारोबार भएकोमा आइतबार ५४ हजार ४ सय रुपैयाँ कायम भएको नेपाल सुनचाँदी व्यवसायी महासंघले जनाएको छ। गत आइतबार सुनको मूल्य ५३ हजार ५ सय रुपैयाँ थियो।

यो फाइन गुणस्तरको मूल्य हो। स्टाण्डर्ड सुनको मूल्य आज ५४ हजार १ सय रुपैयाँ रहेको छ। चाँदीको मूल्य प्रतितोला १० रुपैयाँले बढेको छ। शुक्रबार तोलामा ७३० रुपैयाँ रहेको चाँदी आज ७४० कायम भएको छ। गत आइतबार चाँदीको मूल्य तोलामा ७१५ रुपैयाँ थियो।

 

Share:

© 2017 Setopati Sanchar Pvt. Ltd.