सुनको मूल्य तोलामा सय रुपैयाँले बढ्यो

Gold bars


सुनको मूल्य बुधबार तोलामा १ सय रुपैयाँले बढेको छ। नेपाल सुनचाँदी व्यवसायी महासंघका अनुसार अघिल्लो दिन तोलामा ५३ हजार ७ सय रुपैयाँमा कारोबार भएको सुन बुधबार ५३ हजार ८ सय रुपैयाँ कायम भएको छ।

गत शुक्रबारदेखि सुनको मूल्य निरन्तर उकालो लागिरहेको छ। शुक्रबार सुन तोलामा ५३ हजार रुपैयाँमा कारोबार भएको थियो।

चाँदीको मूल्य भने स्थिर रहेको छ। चाँदी तोलामा ७ सय २५ कायम भएको छ। चाँदी पनि शुक्रबारयता महँगिरहेको छ। गत शुक्रबार चाँदी तोलामा ७१० रुपैयाँमा कारोबार भएको थियो।

Share:

© 2017 Setopati Sanchar Pvt. Ltd.