सुनको मूल्य प्रतितोला ६० हजार २ सय रुपैयाँ पुगेको छ।
अघिल्लो दिनको तुलनामा २ सय रुपैयाँ घटेर ६० हजार २ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ। अघिल्लो दिन ६० हजार ४ सय रुपैयाँमा कारोबार भएको थियो।
त्यस्तै चाँदीको मूल्य प्रतितोला ७४५ रुपैयाँ पुगेको छ। अघिल्लो दिन ७५० रुपैयाँमा कारोबार भएको चाँदी यस दिन ५ रुपैयाँ घटेको हो।
विगत एक वर्षमा चाँदीको मूल्य ८ सय रुपैयाँसम्म पुगेको छ।
