सोमबार प्रतितोला ५५ हजार ८ सय रुपैयाँमा सुनको कारोबार भएको छ। नेपाल सुनचाँदी व्यवसायी महासंघका अनुसार आइतबार पनि सोही मूल्यमा सुनको कारोबार भएको थियो।
गत सोमबारको तुलनामा आज ६ सय रुपैयाँले सुनको मूल्य सस्तिएको छ। गत सोमबार प्रतितोला ५६ हजार ४ सयमा सुनको कारोबार भएको थियो।
त्यस्तै चाँदी प्रतितोला ७२५ रुपैयाँमा कारोबार भएको छ। आइतबार पनि चाँदी यही मूल्यमा कारोबार भएको थियो। गत सोमबार चाँदीको मूल्य प्रतितोला ७४० रुपैयाँ थियो।
