ट्रम्प र पुटिनको फोटो अंकित ‘नोकिया ३३१०’ फोनको मूल्य साढे दुई लाख


केही वर्ष फोन बजारबाट पूर्णरुपमा हराएर ‘कम ब्याक’ गरेको नोकिया अहिले फेरि चर्चामा छ। जर्मनीमा भएको जी २० सम्मेलनमा ‘नोकिया ३३१०’ को नयाँ मोडल र मूल्य सार्वजनिक भएपछि यसले फेरि चर्चा पाएको हो।

सम्मलेनमा रसियाको फोन कस्टमाइजर कम्पनी क्याभियरले ‘नोकिया ३३१०’ लाई नयाँ डिजाइनमा पेश गर्यो र यसको मूल्य २ लाख ५६ हजार रुपैयाँ तोेकेको छ।

अमेरिका र रसियाका राष्ट्रपति डोनाल्ड ट्रम्प र भ्लाद्मिर पुटिनको भेटका अवसरमा सार्वजनिक गरिएकाले यो फोनलाई ‘पुटिन–ट्रम्प सम्मेलन संस्करण’ बताइएको छ।

साढे दुई लाखभन्दा बढी पर्ने ‘नोकिया ३३१०’ मा के छ खास?

यसको डिजाइन पुरै फेरिएको छ। गाढा खरानी रङमा बनाइएको यो फोनमा पछाडि पट्टि सुनको गोले पाता छ जसमा पुटिन र ट्रम्पको फोटो अंकित छ। टाइटेनियमबाट बनेकाले यो बलियो र वजनदार पनि छ। तर, यसका फिचर भने साविककै मोडलमा भए जस्तै छन्।

Share:

प्रतिकृया दिनुहोस

© 2017 Setopati Sanchar Pvt. Ltd.