बाँकेको कोहलपुरमा कात्तिकको अन्तिम देखी चार तारे होटल संचालनमा आउने भएको छ । होटल सेन्टर प्लाजा प्राली यही कात्तिक मसान्तसम्म संचालनमा आइसक्ने संचालक देवानन्द अर्यालले जानकारी दिए। ४५ करोड रुपैयाँकाे लागतमा १६ रोपनी क्षेत्रफलमा निर्माण भएको उक्त होटलमा ७७ बेड हुनेछन्।
मध्य तथा सुदूरपश्चिममा पर्यटकिय गन्तव्यमा जाने स्वदेशी तथा विदेशी पर्यटकलाई सुविधा दिने लक्ष्यसहित उक्त होटल संचालनमा आउन लागेको संचालक अर्यालले जानकारी दिए। ३२ स्क्वयार फिटको स्वीमिग पुल, दुईवटा बार, तीन वटा सेमिनार हलसहितको होटल संचलानमा आउने अर्यालको भनाइ छ।
