नेपाल राष्ट्र बैंकले शुक्रबार मौद्रिक नीति सार्वजनिक गरिरहेको छ।
गभर्नरको रूपमा डा. विश्व पौडेलको यो पहिलो मौद्रिक नीति हो।
उनले मौद्रिक नीतिले विदेशी विनिमय व्यवस्थापन, वित्तीय क्षेत्र सुधार एवं नियमन, भुक्तानी प्रणाली, लघुवित्त, वित्तीय पहुँच एवं ग्राहक संरक्षण र सम्पत्ति शुद्धीकरण निवारण कार्यक्रम समावेश गरिएको बताएका छन्।
बैंक तथा वित्तीय संस्थाबाट प्रवाह हुने सेवालाई विशिष्टिकृत गर्दै बैंक तथा वित्तीय संस्थाहरूको वर्गीकरण र कार्य दायरामा पुनरावलोकन गर्न आवश्यक भएको समेत बताएका छन्।
राष्ट्र बैंकको चौथो रणनीतिक योजनालाई आधार मानेर मौद्रिक नीति बनाइएको पनि उनले जानकारी दिए।