लक्ष्मी सनराइज बैंकले आफ्नो नयाँ ब्राण्ड फिल्म 'हाम्रो बचतको सही लगानी' सार्वजनिक गरेको छ।
२ मिनेट २० सेकेन्डको यस फिल्मले बैंकमा जम्मा हुने हरेक सानादेखि ठूला बचतले कसरी देशको उज्ज्वल भविष्यमा योगदान पुर्याउँछ भन्ने दर्शाएको छ।
खुत्रुकेदेखि समुन्नतिसम्मको यात्रा
फिल्मको पहिलो दृश्यमा एक बालिका आफ्नी आमाबाट बचत गर्न प्रेरित भएकी देख्न सकिन्छ। उनले जम्मा गरेको जस्तै स–साना बचत मिसिएर जल विद्युतजस्ता ठूला परियोजनाहरूमा लगानी भइ कुनै दुर्गम क्षेत्रमा एक विद्यार्थीले बिजुलीको प्रकाशमुनी पढ्न पाउँछ।
लक्ष्मी सनराइज बैंकमा गरिएको बचतले कसरी परिवार, व्यवसाय र समग्रमा समुदायलाई सशक्त बनाउँदै साझा समृद्वितर्फ अघि बढाउँछ भनेर यस दृश्यले देखाएको छ।
सफलताको गाथा बुन्दै
बैंकमा विश्वासका साथ जम्मा भएको रकम बैंकले ठूला परियोजना मात्र नभई साना परियोजनाहरूलाई पनि प्राथमिकता दिँदै विभिन्न कर्जाहरू प्रवाह गर्दछ।
यस्ता कर्जाहरूले कुनै किसानको बाली फस्टाएको, कुनै उद्यमीको व्यवसाय सफल भएको तथा कुनै इलमीको नयाँ उद्यमको सुरुवातका कथाहरू पनि यस फिल्ममा समेटिएको छ।
साझा समृद्धिको उत्सव
यस फिल्ममार्फत् बैंकमा बचत गर्न किन जरुरी छ, बैंकमा गरिएको बचत कहाँ–कहाँ प्रयोग हुन्छ र यसले देश विकास तथा उद्यमीहरुको प्रवर्द्धवनमा कस्तो र कसरी भूमिका खेल्छ भन्ने देखाइएको छ। र, बचत गर्ने बैंकका ग्राहकहरू नै देशको समृद्धिको सारथी भएको कुरा प्रतित गराइएको छ।
तसर्थ, यस फिल्मले बचत तथा बैंकिङलाई साझा समृद्धितर्फको यात्राको रूपमा पुनः परिभाषित गर्ने लक्ष्मी सनराइजको प्रतिबद्धतामा सहभागी हुन सबैलाई प्रेरित गरेको बताइएको छ।
