नेपालमा सन् २००० देखि एक्साइड ब्याट्री विक्री वितरण हुँदै आइरहेको छ। देशकै प्रतिष्ठित कम्पनी मध्येको सिप्रदी ट्रेडिङले एक्साइड ब्याट्री नेपाल भित्र्याएको हो। एक्साइडले दिन प्रतिदिन आफ्नो सेवा तथा संजाल फैलाउँदै गइरहेको छ। एक्साइडको सेवा, सुविधा लगायतको विषयमा एक्साईड अपरेसनका जनरल म्यानेजर सुरेशकुमार तिवारीसँग गरिएको कुराकानी
नेपालमा ब्याट्री व्यवसायको स्थिति कस्तो छ ?
नेपालमा ब्याट्री व्यवसाय विगतभन्दा केही कम छ तर अटोमोवाइल्स क्षेत्रमा भने बढ्दो छ। इन्भर्टर, सोलारमा मात्र कमी हो।
सन् २००० देखिको अनुभव हेर्दा व्याट्रीको ट्रेन्ड कस्तो पाउनुभयो ?
पहिले आफैले ल्याएर एसिड हालेर बनाउनुपर्ने ब्याट्री हुन्थ्यो। अहिले सिधै प्रयोग गर्न सकिने ब्याट्री आउँछन्।
त्यस्तै सुरुमा ब्याट्री गाडीमा मात्र प्रयोग हुन्थ्यो, लोडसेडिङ सुरु भएपछि इन्भर्टर ब्याट्रीहरु आए। सरकारले पछि इन्भर्टर आयातमा रोक लगाइ सोलार व्याट्रीहरुलाई छुट दिन थाल्यो। त्यो बेलामा सोलारका ब्याट्रीमा आकर्षण धेरै बढ्यो। अहिले लोडसेडिङ हटे पनि गाउँ गाउँमा सोलार ब्याट्री र अटोमोवाइल क्षेत्रमा माग उच्च छ।
ग्राकहकले ब्याट्री किन्नु पूर्व के कुरामा ध्यान दिनुपर्छ ?
सबै भन्दा पहिले ब्याट्री कुन कम्पनी मार्फत आउँछ, कम्पनी ग्राहक प्रति कति जिम्मेवार छ, त्यो ध्यान दिनुपर्छ। कम्पनीका नेटवर्क कति छन्, बिक्रीपछिको सेवा कस्तो छ, क्वालिटी त यसै हेर्न परिहाल्यो।
हाम्रो एक्साइडको कुरा गर्दा १९४७ मा भारतमा स्थापना भएको कम्पनी हो। त्यहाँको अहिले पनि नम्बर १ कम्पनी हो। नेपालमा पनि हामीले २००० साल देखि ल्यायौँ, यसको गुणस्तरका कारण आज पनि हामी नम्बर १मा छौँ र मार्केट लिड गरिरहेका छौँ।
एक्साइडले नेपालमा कस्ता किसिमका व्याट्री उपलब्ध गराउँछ?
एक्साइड कम्पनीसँग हरेक किसिमको ब्याट्री छ। सिप्रदीले खासगरी अटोमोटिभ क्षेत्रका सबै गाडीलाई लाग्ने ब्याट्री, इ–रिक्सामा लाग्ने ब्याट्री, युपिएसमा लाग्ने, सोलारमा लाग्ने ब्याट्री ल्याउँछ। नेपालमा चाहिने सबे प्रकारका ब्याट्री हामीसँग छ।
एक्साइडले ग्राहकलाई कस्तो सुविधा दिइरहेको छ ?
हाम्रा २३५ वटा डिलर छन्। ११ सय रिटेलर छन्। नेपालभरि संजाल फैलिएका कारण जहाँ गएपनि एक्साइड ब्याट्री उपलब्ध छ। सर्भिसको लागि मेचीदेखि सेतीसम्म हाम्रो सर्भिस स्टेसनहरु छन्। ग्राहकले काठमाडौंमा किनेको ब्याट्री धनगढीमा बिग्रियो भने त्यहाँ पनि निशुल्क सेवा दिन्छौँ।
त्यस्तै हामीले अत्याधुनिक मेसिनबाट ब्याट्री जाँच गरी तुरुन्त स्थिति प्रिन्ट आउट गरी ग्राहकलाई दिन्छाँै। त्यस्तै हाम्रो ‘ब्याट मोवाइल सर्भिस’ छ। सुरुमा यो सेवा हामीले २००७ बाट सुरु गरेका हांै।
कसैको गाडी स्टार्ट भएन भने हाम्रो टोल फ्रि नम्बर ४२४४४७५ मा फोन गरेर जानकारी दिन सकिन्छ। बिहान ६ बजे देखि बेलुका ९ बजेसम्म र शनिवार ९ः३० देखि ५ः३० सम्म हाम्रा प्रतिनिधि गएर निशुल्क जाँच गर्नुहुन्छ। प्रतिनिधिले जाँच गरेपछि ब्याट्री बिग्रिएको, चार्ज गर्नुपर्ने अवस्था रहेको वा के गर्नुपर्ने हो त्यसको जानकारी ग्राहकलाई दिन्छन्। यो सेवा काठमाडौंभर ५ वटा स्कुटर मार्फत दिइरहेका छौँ। पोखरामा पनि यो सेवा छ। बुटवल, इटहरी र नारायणगढमा सुरु हुँदै छ। हामी बिक्री पछिको सेवामा केन्द्रित छाँै। हाम्रो सेल्समा ३० प्रतिशत कर्मचारी छन् भने करिव ७० प्रतिशत सर्भिसमा छन्।
एक्साइडको ब्याट्रीमा कम्पनीले कति वारेन्टी उपलब्ध गराउँछ?
हामीसँग धेरै प्रकारको ब्याट्रीहरु छन्। सबै ब्याट्रीमा वारेन्टी हुन्छ। ब्याट्री र त्यसको प्रयोगको आधारमा वारेन्टी निर्धारण हुन्छ। जस्तो ३५ एमपियरको ब्याट्री छ र त्यो ट्याक्सीमा प्रयोग भएको छ भने १ वर्षको मात्र वारेन्टी हुन्छ, त्यही व्याट्री प्राइभेट गाडीमा २ वर्ष हुन्छ। हाम्रो ब्याटी«हरुमा १ वर्षदेखि ४ वर्षसम्म वारेन्टी हुन्छ।
एक्साइड ब्याट्रीको मूल्य अरु भन्दा बढी छ नी ?
हो, अरुको भन्दा हाम्रो ब्याट्री केही महंँगो छ किनभने पहिलो त एक्साइड आफैमा एउटा ब्राण्ड हो। नेपालमा एक्साइड ब्याट्री ल्याउने सिप्रदी नेपालकै प्रतिष्ठित कम्पनी मध्येको एक हो। सुरुमा खरिद गर्दा हाम्रो ब्याट्री केही महँंगो लागे पनि सुविधा, सुलभता , बिक्री पछिको सेवा, गुणस्तर, ग्राहकप्रति जवाफदेहिता, लगायतका सेवाहरु हेर्दा महँगो छैन। सस्तो ब्याट्री किनेर केही समयमै बिग्रियो भने त काम लागेन।
ब्याट्री खरिद गर्ने ग्रहकको आफ्नो रोजाइको विषय हो। तर ब्याट्री खरिद गर्नुभन्दा पहिले कुन ब्याट्री खरिद गर्दै छु, कहाँ बनेको हो, कुन कम्पनीले ल्याएको छ, नेटवर्क कस्तो छ, ग्राहकलाई कस्तो सेवा दिइरहेको छ आदी कुरामा ध्यान दिनु पर्छ।
सिप्रदीले कहिलै पनि यस्ता सेवामा कम्प्रोमाइज गर्दैन। एक्साइड ब्याट्री खरिद गर्नुभएका ग्राहक निराश हुनु पर्दैन। ग्राहकको सुन्तुष्टि नै हाम्रो उपलब्धी हो।