बजारमा हरियो धनियाँको भाउ घटको छ।
कालीमाटी फलफूल तथा तरकारी बजार विकास समितिको तथ्यांकले हरियो धनियाँको भाउ घटेको देखाएको हो।
समितिको तथ्यांक अनुसार आइतबार हरियो धनियाँको थोक मूल्य प्रतिकिलो दुई सयदेखि दुई सय ५० रूपैयाँ छ। यो शुक्रबारको तुलनामा ५० प्रतिशतले न्यून हो।
हरियो धनियाँ शुक्रबार चार सय ५० रूपैयाँदेखि पाँच सय रूपैयाँ थियो।
त्यस्तै, बिहीबार प्रतिकिलो थोक मूल्य दुई सय ५० रूपैयाँदेखि तीन सय रूपैयाँ थियो।
बजारमा हरियो धनियाँको आपूर्ति बढेसँगै मूल्य घटेको व्यवसायीहरूले बताएका छन्।
हाल कालीमाटी बजारमा मकवानपुर, दक्षिणकाली, पालुङ, काठमाडौं, भक्तपुर तथा कुलेखानी लगायतका क्षेत्रबाट हरियो धनियाँ आइरहेको छ।
