लन्डन ब्रिजमा ‘तीजको बरिलै’


लन्डन ब्रिजमा ‘तीजमा बरिलै’ नेपाली महिलाहरुको धार्मिक तथा सांस्कृतिक पर्व तीज नजिकिएको सन्दर्भमा  नेपालमा तीज गीतका म्युजिक भिडियोहरु दिनानुदिन सार्वजनिक भईरहँदा यता बेलायतमा पनि तीज गितका भिडियोहरु निर्माण हुने गरेका छन।

यसैक्रममा हालै लन्डनको प्रसिद्द टावर ब्रिज आसपास क्षेत्रमा छायांकन गरिएको ‘तीजमा बरिलै..’ बोलको  तीज गीतको म्युजीक भिडियो सार्वजनिक भएको छ।

बेलायतमा बस्दै आएकी सर्जक लिला विश्वकर्माको शब्द र गायिका जिना रसाईलीको आवाजमा निस्किएको उक्त भिडियोमा लन्डनको आकर्षक पर्यटकीय क्षेत्रमा रातै साडीमा सजिएका नेपाली महिलाहरुलाई रुचीपुर्वक नियाल्ने विदेशीहरुको दृश्यले पनि भिडियोलाई थप रोमान्चक बनाएको छ।

मोडेल प्रसुना कंडेल सहितका महिलाहरुको नृत्य रहेको यो म्युजिक भिडियोको छायांकन, निर्देशन र  सम्पादन मिडियाकर्मी कुशल श्रेष्ठले गरेका हुन्।

ख्याती प्राप्त ऐतिहासिक लन्डनको टावर ब्रिज आसपास छायांकनको क्रममा भिड लागेका  विदेशी हरुको  कौतुहलता नेपाली संस्कृतीको परिचय सहित दिन पाउँदा आफुहरुलाई गर्व समेत लागेको बताउछन छायांकन सम्बन्धी कुराकानीमा निर्देशक कुशल श्रेष्ठ। साथै उनले  यो म्युजिक भिडियो मार्फत दर्शकहरु लाई नयाँ स्वाद मिल्ने विश्वास समेत व्यक्त गरे।

लन्डन वुल्विचको हिन्दु मन्दिर लगायतका थप सेटिंगमा तयार पारिएको भिडियोमा नृत्य निर्देशन सुष्मिता थापाले गरेकी हुन्।

Share:

© 2017 Setopati Sanchar Pvt. Ltd.