प्रमुख कमाण्डसहित पाँच तालिवन र दुई प्रहरीको मृत्यु


 

अफगानिस्तानको पूर्वी प्रान्त लाघमानको अजाम गुल इलाकामा भएको सुरक्षा कारबाहीमा परी मङ्गलबार तालिवानका प्रमुख कमाण्डर मारिएका छन्।

ती कमाण्डर कुन स्तरका हुन भन्ने बारेमा केही नबताइएको भए पनि उनी उक्त आतंककारी संगठनको केन्द्रीय स्तरका नै भएको आशङ्का गरिएको छ । उनी सहित पाँच आतङ्ककारी मारिएका मङ्गलबार बताइएको छ ।

अफगानिस्तानको लाघमान प्रान्तको प्रान्तीय सरकारद्धारा मङ्गलबार प्रकाशित विज्ञप्तिमा सो जानकारी दिइएको छ ।

उता प्राप्त अर्काे एक समाचारअनुसार आलिसिङ्ग जिल्लामा अवस्थित एक प्रहरी चौकीमा तालिवानहरुको एक समूहले मङ्गलबार नै बिहान शक्तिशाली हमला गरेका थिए ।

दुई घण्टासम्म जारी यस भिडन्तमा दुई प्रहरीको ज्यान जानुको साथै अन्य पाँच जना घाइते समेत भएका छन् ।

सो आक्रमणको जवाफी कारबाहीको क्रममा छ जना प्रहरी घाइते भएका जारी विज्ञप्तिमा जनाइएको छ । सो कारबाहीमा भएको हताहतिको विवरण प्राप्त भइसकेको छैन । रासस /सिन्ह्वा

Share:

© 2017 Setopati Sanchar Pvt. Ltd.