चलचित्र ‘कागजपत्र’ अर्को साता सिड्नीमा प्रदर्शन गरिने भएको छ।
सिड्नीको बरउडमा रहेको इभेन्ट सिनेमामा अप्रिल १३ र हर्सभिलको इभेन्ट सिनेमामा १४ मा प्रदर्शन हुने निर्माता प्रजापति सिवाकोटीले जानकारी दिए।
नेपालमा प्रदर्शनीपश्चात अस्ट्रेलियाका विभिन्न सहरमा आउन लागेको यो चलचित्रको प्रदर्शनीको अवसरमा चलचित्रका नायक नाजिर हुसैन र नायिका शिल्पा मास्के पनि अस्ट्रेलिया आउने बताइएको छ ।
विद्यार्थी भिसा होस् या कामदार भिसा, या अन्य कुनै पनि भिसा किन नहोस्, जुन उपाय लगाएर कागजपत्र बनाएर विदेशिन आतुर छ अहिलेको नेपाली पुस्ता। त्यसमाथि पछिल्लो समय अस्ट्रेलिया त नेपाली युवायुवतीका निम्ति आकर्षणको प्रमुख रोजाईको मुलुकमा परेको छ। यसक्रममा डिपेन्डेन्ट भिसाले पनि बजारमा राम्रै प्रभुत्व जमाइरहेको छ । जे–जसरी भए पनि अस्ट्रेलिया आउन खोज्नेहरूको अवस्था, वास्तविकता र यसको महत्व अनि यसप्रतिको समर्पण भावनामाथिको समिश्रण हो चलचित्र– कागज पत्र ।
