प्रधानमन्त्रीको निर्देशन अलपत्रः पुरिएनन् खाल्डा


प्रधानमन्त्री शेरबहादुर देउवाले राजधानीका सडकका खाल्डा पुर्न निर्देशन दिएको १५ दिने समयसीमा सकिए पनि सडकको अवस्थामा खासै सुधार देखिएको छैन ।

सडकका भ्वाङ झन् झन् जोखिमपूर्ण बन्दै गएको छ। यो खबर आजको नागरिक दैनिकमा शिवहरी घिमिरे र हिमाल लम्सालले लेखेका छन्।

खाल्डा पुर्ने जिम्मा पाएका सरकारी अधिकारीले आफ्नो जिम्मेवारीलाई निर्वाह गर्न त परै जाओस्, अहिलेसम्म गरेको कार्यप्रगति विवरण दिनसमेत अटेरी गरेका छन्।

अहिले पनि उपत्यकाका  मुख्य सडक खण्डमा उस्तै जोखिमपूर्ण खाल्डा छन्। वितेका १५ दिनमा कतै कतै खाल्डा पुर्ने काम सुरू भए पनि त्यो झारा टार्ने शैलीमा देखिन्छ।

Share:

© 2017 Setopati Sanchar Pvt. Ltd.