प्रेमिल जोडीले गरे नेपालको सबैभन्दा अग्लो पुलबाट आत्महत्या


नेपालको सबैभन्दा अग्लो पुल कुस्मा ज्ञादी झोलुङ्गे पुलबाट हामफालेर आत्महत्या गर्ने प्रेमिल जोडीको पहिचान खुलेको छ। यो खबर आजको नेपाल समाचारपत्रबाट लिएका हौ। पुलबाट हामफालेर आत्महत्या गर्नेमा धरान उपमहानगरपालिका ११ सुनसरीका २६ बर्षीय अकिन गुरुङ र ललितपुर उपमहानगरपालिका १४ ढिलाहिटीकी २५ वर्षीय मुना राना छन्।

पर्वतको कुस्माबजार र ज्ञादी जोड्ने पुलबाट हामफालेर शनिबार राति यो जोडीले आतमहत्या गरेका हो ।

जोडीको शव आइतबार बिहान मोदीखोला किनारबाट प्रहरीले निकालेको हो ।

पुलमा भेटिएको झोलामा मोबाइल, ट्रेकिङमा प्रयोग हुने खालको सामाग्रीहरू छन्। मोबाइलका आधारमा आफन्तसँग सम्पर्क गरी मृतकको पहिचान गरिएको जिल्ला प्रहरी कार्यालय पर्वतका प्रहरी नायव उपरीक्षक मधुकरजंग विष्टले जानकारी दिए। उनीहरुको आत्महत्या गर्नुपर्ने कारण पत्ता लागेको छैन।

केही दिनअघि मुस्ताङ घुम्न आएका उनीहरु शनिबार दिउँसो कुश्मा आसपास घुमफिर गरेका थिए।

Share:

© 2017 Setopati Sanchar Pvt. Ltd.