नेपाली ग्यास बुलेटमा भारत तगारो


खाना पकाउने एलपिजी ग्यास ढुवानीमा भारतीय निर्भर हटाउने सरकारको योजनामा भारत नै तगारो बनेको छ। यो खबर आजको नागरिक दैनिकमा दिलिप पौडेलले लेखेका छन्।

नेपाली नम्बर प्लेटका ग्यास बुलेटबाट ढुवानी गर्न अनुमति मागे पनि भारतले अनुमति नदिने संकेत गरेको छ ।

परराष्ट्रमन्त्री कृष्णबहादुर महराले नौ महिनादेखि भारतमै रोकिएका नेपाली ग्यास बुलेट सञ्चालन गर्न दिन भारतीय विदेशमन्त्री सुष्मा स्वराजलाई आग्रह गरे पनि उनले घुमाउरो पाराले अस्वीकार गरेकी छिन्।

भारत भ्रमणमा रहेका परराष्ट्र मन्त्री महराले  स्वराजसँगको द्वीपक्षीय भेटमा ग्यास बुलेट सञ्चालन गर्न अनुमति दिन प्रस्ताव गरेका थिए।

बुलेटसञ्चालन गर्ने वातावरण बनाउन प्रतिवद्धता जनाउनुको साटो स्वराजले नेपालकै स्टेशनसम्म ढुवानी गरिदिने आश्वासन दिएकी छन्। ‘ग्यास बुलेटका विषयमा भारतीय पक्षू सकारात्मक देखिएन,’ मन्त्री महराका स्वकीय सचिव युवराज चौलागाईले भने,‘भारतीय विदेश मन्त्रीले नेपाललाई चाहिनेजति ग्यास इन्डियन बुलेटबाटै ढुवानी गरिदिने बताउनुभयो।’

Share:

प्रतिकृया दिनुहोस

© 2017 Setopati Sanchar Pvt. Ltd.