संसदमा १३ वटा समिति रहने, महाभियोग र सुनुवाइ समितिमा दुवै सदनका सदस्य

फाइल तस्बिर।


संसदका तीन वटा समितिमा दुवै सदनका सदस्य रहने भएका छन्। संसदीय सुनुवाई,महाअभियोग र विशेष समितिमा प्रतिनिधिसभा र राष्ट्रियसभाका सदस्य रहने व्यवस्था गर्न लागिएको हो। यो खबर हामीले आजको नागरिक दैनिकबाट लिएका हौ।

प्रतिनिधिसभा र राष्ट्रियसभामा १३ वटा विषयगत समिति छन्। ती मध्ये २ वटामा दुबै संसदका सदस्य रहने संसद सचिवालयका प्रवक्ता डा भरतराज गौतमले बताए।

‘संसदीय सुनुवाई समिति र महाभियोग समितिमा प्रतिनिधिसभा र राष्ट्रियसभा दुवै तर्फका सदस्य रहने सुझाव दिइएको छ।’ डा गौतमले भने ‘ अन्य समिति भन्दा सम्वेदनशिल भएकाले ‘चेक एन्ड ब्यालेन्स’ गर्न यी समितिमा दुवैतर्फका सदस्य राख्न लागिएको हो।’ आवश्यकताअनुसार बेलाबेलामा गठन हुन सक्ने भन्दै विशेष समितिको परिकल्पना गरिएको उनले बताए।

Share:

© 2017 Setopati Sanchar Pvt. Ltd.