आसन्न चुनावको मुखमा पार्टी परिवर्तन गर्ने अधिकांश नेताहरूले यसपाली चुनाव हारेका छन्। केही नेता (४) बाहेक अरू अधिकांश नेताले चुनाव हारेको बारे आजको नयाँ पत्रिकामा खबर छापिएको छ।
जित्ने नेताविजयकुमार गच्छदार
निर्वाचनको मुखमा आफू नेतृत्वको लोकतान्त्रिक फोरमलाई कांग्रेसमा विलय गराएका विजयकुमार गच्छदारले सुनसरी ३ बाट निर्वाचन जितेका छन्। उनले ३८ हजार नौ सय ७२ मत पाए भने उनकी प्रतिद्वन्द्वी एमाले उम्मेदवार भगवती चौधरीले ३८ हजार ६ सय ५१ मत ल्याइन्। गच्छदारले ०४८, ०५१ र ०५६ मा कांग्रेसबाट निर्वाचन जितेका थिए। ०६४ को संविधानसभा निर्वाचनमा मधेसी जनअधिकार फोरमबाट तथा ०७० मा मधेसी जनअधिकार फोरम (लोकतान्त्रिक) बाट चुनाव लडेर उनी विजयी भएका थिए।
अभिषेकप्रताप साह
निर्वाचनको मुखमा संघीय समाजवादी फोरम छाडेर कांग्रेस प्रवेश गरेका अभिषेकप्रताप साह कपिलवस्तु ३ बाट निर्वाचित भएका छन्। उनले संघीय समाजवादी फोरमका उम्मेदवार मंगलप्रसाद गुप्तालाई पराजित गरेका हुन्। साहले २० हजार एक मत पाए भने गुप्ताले १५ हजार आठ सय २६ मत प्राप्त गरे। ०६४ को संविधानसभामा सबैभन्दा कान्छो सभासद् बनेको साहले ०७० को निर्वाचन पनि जितेका थिए। यसपटक निर्वाचन जितेसँगै ह्याट्रिक गरेका छन्।
हृदयेश त्रिपाठी
राष्ट्रिय जनता पार्टीको अध्यक्षमण्डलको सदस्य त्यागेर सूर्य चिह्नमा निर्वाचन लडेका हृदयेश त्रिपाठी नवलपरासी १ बाट विजयी भएका छन्। कांग्रेसका देवकरणप्रसाद कलवारलाई हराउँदै उनले जित हात पारेका हुन्। त्रिपाठीले ३९ हजार पाँच सय ९२ मत ल्याए भने कलवारले ३३ हजार पाँच सय ९१ मत पाए।
वृजेश गुप्ता
हृदयेश त्रिपाठीसँगै राजपा छाडेर सूर्य चिह्नबाटै कपिलवस्तु २ मा उम्मेदवार बनेका वृजेश गुप्ता कांग्रेसका सुरेन्द्रराज आचार्यलाई पराजित गरी सांसद बनेका छन्। गुप्ताले ३५ हजार एक सय ४७ मत प्राप्त गरेका छन् भने आचार्यले ३१ हजार पाँच सय ६६ मत पाएका छन्।
हार्ने नेतारामचन्द्र झा
पहिला एमाले, त्यसपछि माओवादी, माओवादीबाट नयाँ शक्ति र निर्वाचनको मुखमा पुनः माओवादी केन्द्रमा फर्केर टिकट लिएका झा धनुषा २ बाट उम्मेदवार बनेका थिए। उन संघीय समाजवादी फोरमका उमाशंकर अरगरियासँग पराजित भए। अरगरियाको ३२ हजार ४४ मत आयो भने झाले १८ हजार ७१५ मत पाए।
गंगाप्रसाद यादव
दोस्रो संविधानसभामा राप्रपाबाट सभासद् बनी रूपान्तरित संसद्मा उपसभामुख बनेका यादव निर्वाचनको मुखमा राप्रपा छाडेर एमालेको सूर्य चिह्नमा चुनाव लडे। सिरहा १ मा उम्मेदवार बनेका उनी कांग्रेस उम्मेदवार प्रदीप गिरीसँग पराजित भए। गिरीले २३ हजार ९५१ मत ल्याए भने यादवको २१ हजार ३७१ मत आयो।
रामजनम चौधरी
लोकतान्त्रिक फोरम कांग्रेसमा विलय भएपछि कैलाली ३ बाट निर्वाचन लडेका चौधरी माओवादी केन्द्रका उम्मेदवार गौरीशंकर चौधरीसँग पराजित भए। गौरीशंकरले २४ हजार ८७९ मत
ल्याए भने रामजनमले २० हजार ४९४ मत पाए।
गोपाल दहित
लोकतान्त्रिक फोरम कांग्रेसमा विलय भएपछि बर्दिया २ बाट निर्वाचन लडेका दहित पनि माओवादी केन्द्रका सन्तकुमार थारूसँग पराजित भए। थारूले ५० हजार ५५५ र दहितले ३६ हजार ७३५ मत पाए।
शम्भुलाल श्रेष्ठ
दोस्रो संविधानसभा निर्वाचनमामा कांग्रेसबाट टिकट नपाएपछि माओवादीमा प्रवेश गरेर तत्कालीन एमाले अध्यक्ष झलनाथ खनाललाई सिराहामा पराजित गर्ने श्रेष्ठले यसपटक हार सामना गर्नुप¥यो। माओवादीबाट टिकट नपाउने छाँट देखेपछि उनी निर्वाचनअघि पुनः कांग्रेस फर्केका थिए। कांग्रेसका तर्फबट सर्लाही १ उम्मेदवार बनेका उनी पराजित भए। प्रतिस्पर्धामा तेस्रो भएका श्रेष्ठले २० हजार ७५ मत ल्याए भने राजपाका प्रमोद साहले २२ हजार ३६ मत ल्याएर विर्नाचन जिते।
मोहनसिंह राठौर
एमालेबाट टिकट नपाएपछि कांग्रेसमा प्रवेश गर्दै कैलाली २ बाट निर्वाचन लडेका राठौर एमाले उम्मेदवार झपट रावलसँग पराजित भए। रावलले २५ हजार १ सय २७ मत ल्याए भने राठौरले २३ हजार ३ सय १३ मत पाए।
ईश्वरदयाल मिश्र
राजपा त्यागेर एमालेको सूर्य चिह्न लिएर कपिलवस्तु ३ बाट निर्वाचन लडेका मिश्र कांग्रेस उम्मेदवार अभिशेकप्रताप शाहसँग पराजित भए। शाहको २० हजार एक मत आयो भने तेस्रो स्थानमा रहेका मिश्रको १४ हजार ३३० मत आयो।
पशुपतिदयाल मिश्र
राजपा त्यागेर एमालेको सूर्य चिह्न लिई बाँके ३ मा निर्वाचन लडेका मिश्र संघीय समाजवादी फोरमका मोहम्मद इस्तियाक राईसँग पराजित भए। राईको २१ हजार ५७५ मत आयो भने मिश्रको १५ हजार ९५१ मत आयो।
जंगीलाल राय
निर्वाचनको मुखमा संघीय समाजवादी फोरमको महासचिव पद त्यागेर कांग्रेस प्रवेश गर्दै सर्लाही २ बाट निर्वाचन लडेका राय राजपाका महिन्द्र राय यादवसँग पराजित भए। महिन्द्रको २९ हजार १९१ मत आयो भने जंगीलालको १८ हजार ९७६ मत आयो।
इमदाद गद्दी
राजपाबाट टिकट नपाउने भएपछि नेपाल संघीय समाजवादी पार्टीमा प्रवेश गरी पर्सा ४ बाट टिकट लिएका गद्दी राजपा उम्मेदवार लक्ष्मणलाल कर्णसंFग पराजित भए। कर्णले २० हजार ७३८ मत ल्याए भने चौथोमा रहेका गद्दीले २७ सय ८९ मत ल्याए।
ओमप्रकाश यादव गुल्जारी
राजपाले अर्का उपाध्यक्ष लक्ष्मणलाल कर्णलाई टिकट दिने भएपछि पार्टी उपाध्यक्ष ल्यागेर एमाले प्रवेश गर्दै रुपन्देही ४ बाट टिकट लिएका गुल्जारी कांग्रेसका प्रमोद यादवसँग पराजित भए। तेस्रोमा रहेका गुल्जारीले चार हजार ७९ मत ल्याए भने यादवले ३१ हजार ७१८ मत ल्याए।
शिवपूजन राय
निर्वाचनको मुखैमा राजपाबाट माओवादी केन्द्र प्रवेश गरी सर्लाही ४ बाट टिकट लिएका रायको उम्मेदवारी निर्वाचन आयोगले रद्द गरिदियो। रातो पासपोर्ट अपचलन गरेको अभियोगमा रायविरुद्धको मुद्दा अदालतमा विचाराधीन छ। अदालतमा मुद्दा विचाराधीन भएको व्यक्ति निर्वाचन लड्न नपाउने भन्दै आयोगले उनको उम्मेदवारी खारेज गरिदिएको हो।
