रसियामा जारी क्रोएशिया तथा आयोज रसियाबीचको खेलमा निर्धारित ९० मिनेट १-१ गोलको बराबरीमा सकिएपछि खेल अतिरिक्त समयमा धकेलिएको छ।
रसिया र क्रोएशियाले ३० मिनेटको अतिरिक्त खेल खेल्नेछन्। यसबाट पनि सेमिफाइनलमा पुग्ने टिमको टुङ्गो नलागे टाइब्रेकरबाट विजेताको घोषणा हुनेछ।
आजको खेलमा रसियाले गोल गर्दे अग्रता लिएको थियो। खेलको ३८ औं मिनेटमा चेरिसेभले गोल गर्दै रसियालाई अग्रता दिलाएका थिए। तर उसको अग्रतालाई क्रोएशियाले खेलको ३९ औं मिनेटमा गोल गर्दै बराबरी गर्यो। क्रोएशियाका लागि करामारिकले गोल गरेका थिए।
दोश्रो हाफमा दुबे टोलीले गोल गर्ने आक्रमण एकअर्काको पोस्टमा गरेपनि गोल गर्न असफल रहे र खेल बराबरीमा सकियो।
यस खेलको विजेताले सेमिफाइनलमा इङ्ल्याण्डसँग खेल्नेछ।