खेलको अन्तिम मिनेट चलिरहँदा ब्राजिलले दोश्रो गोल गर्दे अग्रतालाई दोब्बर पारेको छ। दोश्रो गोल फर्मिनोले खेलको ८८ औं मिनेटमा गरेका हुन्।
आजको खेलमा ब्राजिलले दोश्रो हाफमा गोल गर्दै अग्रता लिएको थियो। खेलको ५१ औं मिनेटमा ब्राजिलका स्टार स्ट्राइकर नेइमार जुनियरले गोल गरेका थिए। नेइमारले विलियम्सबाट प्राप्त क्रसलाई सिल्प गर्दै गोल गरेका हुन्।
मेक्सिको र ब्राजिलबीचको पहिलो हाफ गोलरहित बराबरीमा सकिएको थियो। पहिलो हाफमा दुबै टोलीले गोल गर्ने प्रयास गरेपनि गोल गर्न सकेका थिएनन्।
जारी विश्वकपमा समूह चरणका तीन खेल मध्ये २ मा जीत र एकमा बराबरी खेलेको ब्राजिलले पहिलो खेलमा स्विजरल्यान्डसँग १-१ गोलको बराबरी खेलेको थियो भने कोस्टारिका र सर्बियालाई समान २-० गोलले पराजित गरेको थियो।
त्यस्तै डिफेन्डिङ च्याम्पियन जर्मनीलाई पराजीत गरेर घर फर्काइदिएको मेक्सिकोले समूह चरणमा दक्षिण कोरियालाई २-१ गोलले हराएको थियो भने तेस्रो तथा अन्तिम खेलमा स्विडेनसँग ३-० गोलको हार ब्यहोरेको थियो। उसले जर्मनीलाई १-० पताजित गरेको थियो।
क्वाटरफाइनल प्रवेश गर्ने लक्ष्यका साथ मैदानमा उत्रेको ब्राजिलले पछिल्ला १४ खेलमा हार ब्यहोरेको छैन। उसले अन्तिमपटक गत वर्षको जुनमा अर्जेन्टिनासँग १-० गोलको पराजय सामना गरेको थियो भने ब्राजिल र मेक्सिकोबीच अन्तिमपटक सन् २०१५ को जुनमा प्रतिस्पर्धा भएको थियो मैत्रिपुर्ण खेलमा जसमा ब्राजिल २-० गोलले विजयी भएको थियो।
