रसियामा जारी आयोजक रसिया र स्पेनबीचको खेलमा आत्मघाती गोलबाट स्पेनलाई १-० को अग्रता सुम्पेको रसियाले पहिलो हाफ सकिदा स्पेनसँग पेनाल्टीबाट बराबरी गरेको छ।
खेलको ४१ औं मिनेटमा प्राप्त पेनाल्टीको अवसरलाई रसियाका डुजुबाले गोलमा परिणत गरेका हुन्। रसियाले प्रहार गरेको कर्नर बललाई स्पेनका जेरार्ड फिकले ह्यान्ड गरेपछि रसियाले पेनाल्टी पाएको हो।
स्पेनले खेलको १२ औं मिनेटमा आत्मघाती गोलबाट अग्रता लिएको थियो। रसियाका सर्गी इग्नासेभिचले १२ औं मिनेटमा स्पेनले गरेको फ्रिकिकबाट आएको बललाई बल क्लियर गर्न खोज्दा आत्मघाती गोल भएको हो।
