रूसमा जारी २१औं संस्करणको विश्वकप फुटबलमा सेमिफाइनल प्रवेशका लागि फ्रान्स र उरुग्वेले प्रतिस्पर्धा गर्ने भएका छन्।
फ्रान्सले शनिबार अर्जेन्टिनालाई र उरुग्वेले पोर्चुगललाई हराउँदै क्वाटरफाइनलमा भेट पक्का गरेका हुन् ।
शनिबार राति भएको प्रतिस्पर्धात्मक खेलमा फ्रान्सले मेसीको अर्जेन्टिनालाई ४-३ गोल अन्तरमा हराउँदै क्वाटरफाइनलमा स्थान पक्का गरेको हो।
यस्तै उरुग्वेले क्रिस्टियानो रोनाल्डोको पोर्चुगललाई २ - १ ले हराउँदै फ्रान्ससँगको भेट पक्का गरेको हो।
फ्रान्स र उरुग्वेबीचको क्वाटरफाइनल खेल असार २२ गते हुनेछ। क्वाटरफाइनलमा जित निकाल्ने टोलीले सेमिफाइनलमा स्थान बनाउने छन् ।
